政情：傳統文化搞創新 李應生推介柑橘茶

化痰順氣 年輕人都捧場

雲南盛產普洱茶，但往往不時被視為老人家茶，但當地其實仲有唔少優質茶葉，近年都已經積極推廣，好似仲有青茶同熟茶。李應生就首推柑橘茶，即係將茶葉放入柑橘入面，直指一隻柑橘細細隻，入面茶葉嘅分量啱啱好夠沖一壺茶，而佢講起都連聲讚呢種茶葉好香，仲係一流咁話添！

佢更指出，呢種茶吸引到年輕人捧場，除咗有一般茶葉消脂、解滯等嘅功能外，更對喉嚨同氣管有幫助，可以發揮到化痰順氣嘅功效，既保留到普洱味道，亦有柑橘嘅香味，直指兩者味道夠晒夾。睇嚟佢除咗對中藥有研究，連對茶葉都好有心得喎。