立法會四個議席補選定於明年三月十一日舉行，咁啱同北京人大政協兩會「撞期」，有建制派就質疑政府有關方面對國家政治傳統認識不足，又話對建制派動員拉票唔理想。補選同開兩會本應無關，但政務司司長張建宗尋日出席活動後就話都了解建制派嘅睇法，仲自爆「我哋都努力過」添，但指補選日期係由選舉管理委員會平衡法例及種種因素後決定，所以要尊重選管會決定喎。張建宗呢頭話要確保選舉公平、公開、公正，咁點解要為建制派「努力」呢？如果民主派要求補選改期，佢又會唔會「努力」呢？
