中環出更：3‧11補選落實漢奸黎9男女即密會
政府上周五（1日）刊憲公布立法會四個議席補選定於明年三月十一日舉行後，尋日壹傳媒黎智英（漢奸黎）隨即喺黎宅攪局。民主黨（白鴿黨）幾隻「老鴿」包括外號「李漢奸」嘅創黨主席李柱銘、立法會前議員「AV仁」何俊仁、李永達，同埋兩隻「乳鴿」立法會議員林卓廷及尹兆堅拉隊出席。而剛獲保釋等候上訴的社民連黃浩銘，就帶同一名神秘女子與該黨陶君行一齊赴會。民主派仲未就補選協調傾掂數，莫非漢奸黎九男女為此從長計議？
上周三有「搞事四人幫」之稱嘅漢奸黎、李漢奸、「民主阿婆」前政務司司長陳方安生、天主教香港教區前主教陳日君先至去完黎宅密會，事隔幾日黎宅又再宴客。
尋日中午十二時五十分，李漢奸、李永達、林卓廷乘坐由漢奸黎司機駕駛嘅七人車抵達何文田黎宅，林卓廷到達時以電腦雜誌遮面。大約十分鐘後，AV仁同另一乳鴿尹兆堅亦先後搭的士到達黎宅。
黃浩銘有神秘女子隨行
直至中午一時許，陶君行就駕駛白色房車到達黎宅，同車嘅仲有因反新界東北案被判囚嘅黃浩銘及一名神秘女子。該名女子落車時，以外套帽笠頭遮掩容貌，而黃浩銘亦扶該女子落車並加以掩護。此時有路人見到黃浩銘，就大聲話「幾時又踎過（坐監）？恭喜你喎！」黃浩銘唔知係咪趕住入席，只係笑笑口，冇特別理會。
漢奸黎九男女密會三小時後陸續散席。漢奸黎司機駕駛七人車載李永達、林卓廷同尹兆堅到太子旺角警署，三人落車後各自離開。而陶君行就載李漢奸、AV仁離開黎宅，黃浩銘及該名女子亦自行離開。
政府啱啱先就立法會補選日期刊憲，立法會亦會喺本周三審議修改《議事規則》，此時漢奸黎同白鴿黨及社民連等反對派密會，莫非又想指指點點、發號施令攪局？
卓妮