勞工及福利局局長羅致光早前話會喺今年底交代處理取消強積金對沖，目前正進行數據分析。勞顧會尋日開會，資方委員施榮懷話政府指仍喺度計緊數，佢希望聖誕節過後，政府可以提交精準嘅數據畀資方考慮，「希望知道政府點樣落水，究竟個方案係點我哋都唔知道」。交方案嘅死線逼近，羅致光咪使旨意走數，之但係佢份方案會係一份遲來嘅聖誕禮物抑或係炸彈呢？處理得唔好，分分鐘炸埋自己呀！
