民主派瘋狂拉布搞到上周立法會大會又流會，尋日大會續審《刑事訴訟程序條例》動議嘅擬議決議案，主要上調刑事法援費及檢控費，民主派繼續以點算法定人數拉布，白鴿黨嘅鄺俊宇更對擬議嘅決議案提出中止待續添！繼朱凱廸多次出怪招拉布，依家輪到鄺俊宇接力繼續拉，無非為咗拖延下周修改《議事規則》嘅議員議案。民主派為咗抗剪布無所不用其極，置民生於不顧，不惜燒時間、燒公帑，立法會變成垃圾會，都係佢哋一手造成。
