中環出更：搞事四人幫齊腳又攪局
每次有外國政治人物訪問香港前後，或者對香港事務「指指點點」，都係壹傳媒黎智英（漢奸黎）密會攪局之時！英國自由民主黨前黨魁阿什當男爵（Lord Ashdown）剛結束訪港行程，「搞事四人幫」又再合體密會，地點係漢奸黎位於何文田嘅寓所，外號「李漢奸」嘅民主黨創黨主席李柱銘、「民主阿婆」前政務司司長陳方安生同天主教香港教區前主教陳日君均係密會座上客，加上較早時間，漢奸黎嘅左右手、曾任美國海軍情報員嘅Mark Simon，亦有到訪漢奸黎寓所，眾人「前後腳」現身聚頭，莫非又密謀有「大搞作」？
尋日下午二時許，從外地返港嘅漢奸黎直接返回何文田寓所，而喺下午約四時許，Mark Simon就現身漢奸黎寓所，似乎進行一場二人密會，之後Mark Simon就召車離開。
神秘外籍男子亦有到訪
不過密會攪局嘅重頭戲係晚上時分發生。尋晚六時二十五分，李漢奸親自駕駛私家車抵達漢奸黎寓所，同車有李嘅太太及坐喺後座嘅民主阿婆，約十分鐘後，漢奸黎嘅司機接載一名神秘外籍男子到場，最後抵達參與密會嘅係陳日君，佢喺晚上約六時四十五分現身，值得留意嘅係，陳日君全程迴避閃縮，佢落車之前已把塊面側埋一面，而走入漢奸黎寓所之時，陳日君更加頭耷耷加彎晒腰，行徑鬼鬼祟祟。
漢奸黎今次密會攪局歷時兩小時，眾人喺近晚上九時原車離開，至於神秘嘅外籍男子則喺銅鑼灣一間酒店落車，當時佢手持一個白色硬皮快勞夾，快步走入酒店大堂，並消失喺人群中。
話時話，漢奸黎每次密會前後總有大事發生，上次密會係本月十八日中午進行，座上客係民主黨嘅立法會前議員李永達等人，當時正值係中央官員訪港後，發表國家憲法係香港《基本法》根源嘅重要講話。
於羅哲斯被拒入境後曾密會
至於再上一次密會就係十月上旬，當時剛好係英國保守黨人權委員會副主席羅哲斯（Benedict Rogers）被拒絕入境香港，以及新政府發表首份施政報告之後，今次漢奸黎又再召集密會，加上民主派即將與建制派就修改《議事規則》建議大戰一場，莫非有人又喺背後指指點點，為恐天下不亂？
卓妮