船廠認利用制度漏洞：個個都係咁

艇長八十呎 月租達六萬元

記者十一月初到鴨脷洲海旁道視察，發現多間船廠外水域泊有大量遊艇，佔各船廠總泊位的八成。部分遊艇以巨型布塊遮蓋，相信已擺放一段時間，部分遊艇上則有人清潔。

知情人士指，如欲租用泊位大多需由熟人介紹。記者取得一間船廠負責人電話，以租客身份致電查詢租用船隻泊位停泊遊艇，對方指可提供，遊艇愈大租金愈高，若遊艇長約八十呎，月租約六萬元，長約六十呎則約四萬元，水電及維修費另計，最快十二月初便有泊位，更說可簽訂合約列明租期及其他條款，笑言「好簡單0架咋，畫隻龜就得。」

簽約寫保養 「租上租」無王管

對於會否擔心「租上租」違規的問題，負責人大派「定心丸」：「我到時簽合約唔會寫租（泊）位，會話你擺隻艇喺度維修保養。」租金不包括維修費，單純出租船隻泊位是違規，但制度有漏洞，「話保養（遊艇）咪得囉，我出去望吓都叫保養0架嘛，呢個係漏洞嚟嘅，個個（船廠）都係咁做啦，你見有遊艇泊都係（出租）嘅。」

另外，現場一間遊艇會的職員承認，其公司已經向一間船廠租用泊位長達兩至三年，更着記者如有興趣租泊位可向有關船廠查詢。