政情:今日你上鏡:吳永嘉貪靚 40手巾仔襯西裝

現代社會講求環保,有人就會帶手巾仔出街,減少使用紙巾,原來立法會議員吳永嘉(Jimmy)都有帶手巾仔出街嘅習慣,因為佢讀小學時,學校要求學生帶手巾仔,所以自己後來都習慣咗隨身帶手巾仔。佢仲話帶手巾仔出街好方便,可隨時抹嘴同抹手,因為唔係所有洗手間都有抹手紙提供喎。不過因為衞生問題,佢就話抹鼻涕都係要用番紙巾嘅。

手巾仔要日日清洗,Jimmy屋企就有三、四十條手巾仔,多數喺日本買,貪質地好,夠軟身,放入西褲袋不會凸出嚟咁話。而佢嘅手巾仔都有唔同款式用嚟襯衫,例如着粉紅色衫就帶粉紅色手巾仔,着直條西裝就襯有間條條紋嘅手巾仔,認真講究。

第一手消息請下載on.cc東網iPhone/iPad/Android/Windows Phone Apps