不敵加租 「有種」士多將結業

街坊慨嘆老店愈來愈少

老闆黃先生平靜地解釋結業原因，「八月中已經同業主傾租約，預咗會加租，但無諗過加得咁厲害。」「一加就加四成，點做？」黃說，生意本來已經難以經營，加上大幅加租，更是百上加斤。「話加租就加租，隨時一個月通知就可以趕你走。」黃指除了他的士多，在大元邨內的小店，不少都逃不過加租的命運，「去街市走一轉都可以睇到，有好多吉舖，就知道租金加得有幾厲害。」

他輕嘆香港大部分屋邨已失去消費力，「或者可能我哋呢行（士多）式微。」黃苦笑，士多剛巧就是「高不成低不就」的定位，「平過便利店，但又貴過超市。」在種種原因下，黃決定忍痛將經營數年的士多結束。

不少街坊對於士多要結業都只有慨嘆，但就無能為力。從小在大元邨成長的邱小姐，她覺得街坊老店愈來愈少，換上的是無情的連鎖店，「老闆真係好好人，有時無帶錢，佢會話唔緊要，下次返嚟畀。」

面對這裏的點點滴滴，黃帶點安慰道，「呢三年，睇住大元邨班迷失咗嘅細路，好多由逃學又頑皮到最後變乖咗，識去搵嘢做番工，都會好開心。」

別以為當老闆可以好「風流」，黃搖頭稱，三年來沒休息過，而且不能說休息就休息，放假時間亦不能太長。有時一晚只睡五、六個鐘就起身繼續工作。「唔開咁長時間，搵唔到個租金。」雖有東山再起的念頭，但身為「頭文字D」粉絲的他，決定先與家人來一趟夢想之旅。