政情：今日你上鏡：高永文叫林亮做亮仔

食物及衞生局前局長高永文一向好識搞氣氛，早前佢同有「中國變形金剛之父」之稱嘅林亮一齊出席粵港澳大灣區經貿協會成立典禮，高永文一見到林亮就話唔係好敢叫對方做亮仔，因為好尊敬佢，林亮就即刻笑指「你愈叫多幾句，我就愈後生啲」，高永文其後都改口叫對方做亮仔嘞！林亮仲自爆自己已經九十三歲半。睇佢又精神，反應又快，真係睇唔出呢！