公民講場：陳茂波大讚動漫電玩 又想揈錢請人？

施政報告話要做好青年「三業」，即學業、事業同置業，畀年輕一代睇到向上流嘅機會。財政司司長陳茂波尋日出席一個動漫活動時就話，動漫電玩遊戲係時下年輕人最喜歡嘅文化創意產業之一，政府會運用不同資源同措施推動經濟多元化，為年輕人提供更多優質就業機會。早前陳茂波豪花逾十萬元請人幫佢搞網誌及社交網站，近日中央政策組又以超高薪招聘青年人做政策研究，被外界質疑亂花公帑，唔知政府遲啲會否大灑金錢請人返嚟打吓機呢？