政情：台灣跨年炮仗聲 江素惠至愛

大讚家鄉音樂會氣氛好

江素惠話自己好鍾意音樂，各類型嘅音樂都鍾意聽，而跨年音樂會有好多歌手出席，加上氣氛好好，自己都好鍾意去，但係跨年音樂會門票一向熱賣，自己好多年前都試過買唔到。為咗唔再錯失機會，佢就同幾個女仔一齊去，女仔朋友幫手買，就唔怕再買唔到音樂會門票嘞！

佢又大讚台灣跨年氣氛好，香港唔可以燒炮仗，但台灣就可以，所以跨年嘅時候，炮仗響足全晚，佢就最鍾意一路聽炮仗聲，一路同朋友聚會，一齊聽吓音樂，開開心心咁過喎。