政情：公民講場：卸膊陳帆論塞車 「年輕人買唔到樓就買車」

塞車問題日趨嚴重，運輸及房屋局局長陳帆尋日化身神探，為大家解開謎底。佢解釋，依家啲年輕人嘅思維同上一代唔同，認為依家樓價飛升，買唔到樓、又少少想要自己空間，「讓個軀體同個靈魂出去游走一下」，所以啲年輕人買唔到樓就去買車。唔係呀！咪賴得就賴喎。歸根究柢都係政府無力壓低樓價，出咗咁多辣招，樓價仲係屢創新高，咁搞到滿街係車就係陳帆嘅責任，咪A字膊喎。