政情：今日你上鏡：徐英偉要做政助班長？

之前做咗十年民政事務局政治助理，早前「升呢」做勞工及福利局副局長徐英偉（Caspar），連同七個不同政策局嘅政治助理，一齊出席同一個飯局，包括政務司司長政治助理蕭嘉怡、財經事務及庫務局政治助理楊寶蓮、環境局政治助理區詠芷、教育局政治助理施俊輝等等。Caspar升咗做副局長，都同咁多個政助一齊食飯，唔通要做埋政助班長？原來係國際青年商會香港總會約咗一班新官員食飯，新一年度會長簡汝謙及總幹事陳雪梅想一早約定一班新官員，講吓自己來屆活動等，方便以後溝通吖嘛！