今日係違法佔中爆發三周年，當年今日，人稱「戴妖」的戴耀廷高呼：佔領中環，正式啟動！暴力的潘朵拉盒子也正式打開，所謂的「愛與和平」全去見鬼，代之而起的是「違法達義」事件一宗接一宗，佔領街道、暴力衝擊港大校委會、旺角飛磚縱火等等，令香港萬劫不復，社會的撕裂至今仍然難以修補，而一眾佔領之亂的罪魁禍首至今仍逍遙法外，聲稱法治是香港基石的政府不感到羞愧嗎？
戴妖呢位邪惡法律學者早前在爛果報發文，鼓吹在佔中爆發三周年當日下午到公眾地方舉一把黃傘紀念佔中喎！戴妖逆天行事，蠱惑人心，一眾年輕人盲摸摸的跟隨住佢嘅歪理邪說向前死撞蠻衝，相信佢鼓吹嘅「香港的出路就是獨立」，搞到不少激進青年做咗政治炮灰仍不知道發生乜事。
好似本土民主前線發言人黃台仰，就話近期有唔少抗爭者被判入獄，佢每次睇到有關報道都會感到低落，聯想到自己面臨審判，有機會面對較長嘅監禁刑罰，直認起初會擔心同驚，更可能出現咗些少抑鬱症狀，變得唔想見人。之不過，佢又唔肯誠心認錯及道歉，只係狡辯：掟磚只係天真，唔代表係錯！呢句嘢一出就畀網民怒轟：黃生，我搵舊磚掟你，你會唔會讚我夠天真啊？黃台仰嘅歪理，不就是中了戴妖「違法達義」嘅毒嗎？否則怎會話自己天真就冇錯、就唔使負刑責？
今日，「六一七民間約章」聯同其他激進派成員會在金鐘舉行集會，主題係「全民覺醒 反抗暴政」，仲話戴妖同陳健民均獲邀分享。老朽覺得好笑，戴妖等一眾佔領行動罪魁，難道會反思播獨禍害？叫一班未能分清對錯嘅童子操刀蠻衝「去飲」，結果「義」達不到，監獄之門就一一為佢哋打開！今次的「全民覺醒」集會，計老朽話，值得分享的只有八個字：戴妖害人，影響一生！