因為觀塘重建項目「消失的鵝蛋」，市建局行政總監韋志成多次喺網上為「走數」解畫，早前仲為同公眾及區議會溝通不足而致歉，勢估唔到佢尋日喺電台竟然改口話無取消過「鵝蛋」，又否認走數，辯稱引發風波的構想圖只係一個平面圖，所以先見唔到鵝蛋形地標，即時被怒斥反口覆舌。老實講，如果鵝蛋冇被消失嘅話，點解韋志成唔一早講？由有變冇，再由冇變有，前言不對後語，仲邊有誠信可言，更加令人質疑背後係咪另有企圖，市建局個招牌碎晒喇！
