大學校園爆發播獨風波，學生會同校方就民主牆嘅管理權起爭拗，甚至有聲音質疑學生會嘅認受性。有內地官媒尋日引述教聯會理事鄧飛喺訪問中話，香港真正參與大學學生會嘅人不多，因為有太多學生組織嘞，而喺敏感時期，參與學生會嘅人畢業後喺商界唔一定有優勢，因為僱主怕佢哋喺公司搞「工運」。跟住佢又話喺這種情況下仍要參加學生會，理由有二，一係為咗「政治演練」，二係為咗「泡妞」（溝女）。鄧飛所講嘅係咪事實？學生會心知肚明喇！
