政情：今日你上鏡：鍾樹根北京巧遇霸王花

立法會前議員鍾樹根（左）退下火線後，仲係好忙，經常四圍飛，尋日佢竟然喺北京巧遇「霸王花」。咪就係八十年代憑電影《霸王花》，成功轉為武打女星嘅胡慧中（右）囉！樹根話好多年冇見過胡慧中啦，難得相遇，所以特登同對方一齊自拍，又叫對方代向其丈夫、民政事務局前局長何志平問好添！樹根話覺得胡慧中當年喺台灣明星當中都好突出，自己都幾鍾意睇對方嘅電影，尤其係《歡顏》，主題曲《橄欖樹》都好好聽，佢仲大讚胡慧中保養得唔錯，話對方「肯定識得保養啦」！