政情：蔣麗芸怕熱 束髮Look示人

阿Ann話雖然尋日出席內務委員會特別會議，但立法會仍然喺休會階段，所以用較休閒嘅打扮現身，仲紮起頭髮，係因為近日天氣炎熱，加上頭髮已長到可以束起嘅長度，所以用呢個形象示人。

放假匿屋企煲美劇

雖然佢喺近日先嘗試束起頭髮，而過往即使喺屋企都唔會咁做，但佢睇起嚟好上手，佢透露只需三十秒就可以搞到滿意嘅效果。講起髮型，佢仲話喺大學時曾留有一把長頭髮，但畢業後返港工作，又因天氣太熱而剪短，以後就維持短頭髮嘞！

除咗打扮休閒，佢嘅放假生活亦同樣休閒。佢透露，近日放假匿喺屋企煲劇，追緊一齣美國人氣連續劇，只係用咗兩日時間就煲咗五季，仲話「放假就係咁Hea」喎。