政情：公民講場：聶德權被批人肉錄音機 反寸議員問題重複

官員嘅回應重複又重複，好似人肉錄音機咁，而政制及內地事務局局長聶德權尋日喺立法會大會上，回應有關《基本法》第二十二條嘅議員質詢時，亦有議員質疑佢係新嘅人肉錄音機，但聶德權隨即反駁，話佢回答議員嘅提問時，即使議員提出嘅意見觀點重複，佢都一定會如實回應，兼且將把相關條文解釋清楚，暗寸議員問完又問。