前新華社香港分社（中聯辦前身）副社長張浚生尋日接受傳媒訪問時，點名批評違法佔領行動發起人之一、香港大學法律系副教授戴耀廷，話佢做學生時被洗腦，仲反對起草《基本法》，依家就執教鞭去洗人哋嘅腦，仲話鼓吹港獨嘅人中咗毒而不自知。張浚生一九八五年獲派到港負責香港回歸嘅過渡工作，直至回歸後先至調離香港。曾擔任《基本法》諮詢委員會學界代表之一嘅戴耀廷，當時只不過係讀緊法律嘅學生哥，張浚生可以話係「睇住佢大，睇住佢變壞」，由佢出面鬧戴耀廷，身份真係夠晒分量！
