政情：公民講場：聲言認罪又縮沙佔中三子冇承擔

話說佔領行動期間喺執達吏與警方執行法庭禁制令清理旺角障礙物時遇阻攔，前學民思潮召集人黃之鋒同學聯前副秘書長岑敖暉被控藐視法庭，佢哋尋日表明會承認控罪，反觀以前口口聲聲話公民抗命不排除認罪嘅佔中發起人戴耀廷、陳健民同朱耀明，喺早前被控作出及煽惑公眾妨擾等罪，上月應訊後就縮沙，話要研究控罪嘅合理性，先考慮認唔認罪，尋日仲拒絕答辯添！可見佔中三子一再打倒昨日的我，根本就冇承擔。