仲記得標準工時委員會主席梁智鴻（金刀梁）日前曾呼籲勞方「袋住先」，待合約工時實行後再檢討成效，點知行政會議尋日就通過根據標委會嘅建議訂出框架，以立法方式規管僱傭合約，即訂明其薪金、工時及超時補水等資料，但保障範圍縮窄至約一百萬低薪基層僱員，被勞方譏為「縮水版合約工時」，群起反對。其實，金刀梁延長標委會主席嘅任期都係為咗交份報告，依家個波交咗畀政府，佢自然可以甩身，之後勞資雙方打餐死都事不關己喇！
