不甘寂寞嘅前政務司司長陳方安生（民主阿婆），又再唱衰香港。話說美國駐港澳總領事唐偉康（Kurt Tong）日前接受本港一份英文報章訪問時指出，「一國兩制」在香港運作良好，香港整體是成功的，並且應繼往開來，不用質疑。
民主阿婆尋日隨即發表聲明回應，對唐偉康有此觀察，感到非常詫異。雖知道喺美國換咗新總統後，中美關係已有顯著改變，有意見指民主阿婆提出嘅質疑明顯係跟唔上國際的政治形勢及關係，亂指一通，見到美國唔插中國就覺得酸溜溜。
民主阿婆在聲明中話，唔清楚唐偉康採用乜嘢衡量準則而得出有關結論，而「一國兩制」嘅成功與否，不能單以貿易及經濟數據為依歸，仲要睇香港人重視嘅人權、自由等核心價值係咪受到保障。
佢又指過去幾年，甚少對美國在港外交團隊的意見有唔同睇法，但佢希望唐偉康返美匯報香港嘅現況時，會作出一個真正平衡嘅評價。至於乜嘢要包含在內？都係老調重彈嚟。
點解出現落差？有心水清嘅政界中人指出，其實關鍵亦喺聲明中顯露出來。民主阿婆喺聲明中指喺過去幾年，甚少對美國在港外交團隊嘅意見有唔同睇法，正正因為美國換咗新總統後，中美關係已有根本變化，但民主阿婆竟不自覺，仍然自顧舊調重彈，繼續唱衰香港。民主阿婆嘅政治光環早已消失殆盡，今次又再自暴其醜。