返工打邊爐非首次 本報去年踢爆

工會：好難評論 無法監管

香港政府拯溺員總工會副主席鄧子安強調，只要不是明火煮食便沒有違規，而且「食咩飲咩雖然冇規定，但如果飲到大晒再當值就唔得，影響到自己同公眾安危！」

圍爐文化去年四月首度曝光，佐敦谷泳池九名救生員被拍攝到於清潔日當值期間，匿藏職員室圍爐「吹水」，康文署事後承諾會安排主管突擊巡查，避免類似事件再度發生。但一年過去圍爐文化依舊，鄧子安稱若果救生員用膳期間打邊爐，即屬私人休息時間：「冇明文規定食咩飲咩，佢哋閂埋門除衫除褲都得，好難評論、亦都無法監管！」鄧續指在職員室只要非明火煮食便「問題不大」，但提醒救生員肩負救援責任，時刻要提高警覺。

據知情人士透露，每周清潔日是泳池最多救生員的日子，不少早更救生員下午二時許下班後，都會留下與夜更救生員食飯聚首，「雖然都係買飯盒多，但耐唔耐都會打吓邊爐，人多自不然……」鄧子安則稱事發即使是私人時間，但若然救生員身穿工作制服，卻大講粗言穢語，難免會影響公眾形象。