外號「漢奸黎」嘅黎智英，六月四日晚到維園出席由天主教正義和平委員會舉行的六四祈禱會後，突然急步走向一名《東方日報》男記者面前，一邊指着記者面部，一邊以粗口辱罵記者近距離拍攝自己。其實該名記者當日並無近距離拍攝佢，可見漢奸黎可能有妄想症或思覺失調。身為傳媒老闆、平日經常將民主自由掛在嘴邊嘅漢奸黎，平時道德文章，講神講愛，撕掉面具，原來比流氓更不堪，如此無理辱罵兼涉嫌恐嚇記者，難怪引來全城憤怒，警方亦將案件列作刑事恐嚇案處理，交由重案組跟進。
令人嘖嘖稱奇的是，經常「維護新聞自由」嘅香港記者協會，對漢奸黎嘅惡言劣行不置一詞，難怪有人詰問：平時有官員稍疏於答記者提問，或有人對記者語氣重些，尤其是爛果報記者，記協主席岑倚蘭必第一時間撲出來譴責，而今次漢奸黎兇記者，又要「搞人」又「問候」人哋娘親，記協竟噤若寒蟬，岑亦影都唔見。呢個所謂「維護新聞自由」嘅機構持雙重標準，其存在只會令人眼冤，不如執咗佢好過。
有網民抵死地說，「真相係……記協係生果報隻汪汪，是縮頭烏龜」。「汪汪」即狗也。這令老朽想起明末清初學者屈大均的《廣東新語》內有一則談對「番狗」的態度，說澳門地方多洋狗，矮而小，毛若獅子，牠們不能看門口、捕獵，卻要賣十多両銀子一隻。洋人對這種狗寵愛有加，好吃的食物先給牠吃，對狗比對買來的幼年奴僕寵愛得多。當然，洋狗要得主人歡心，「坐與立，番狗唯其所命」，做一隻聽話的汪汪，叫你坐就坐，叫你站就站，狗餅自然分得多些。當時澳門有句俗話：寧為番狗，不作鬼奴。
洋狗好做過洋鬼，皆因洋奴讀過書、識字，想討好主人要多用心思，不如做汪汪慳水慳力也。漢奸黎與記協都勇於做番狗，求狗餅之心一也。