美食車先導計劃出台四個月仍然問題多多，十幾架美食車直至尋日先首次齊集參與大型公開活動，商務及經濟發展局局長蘇錦樑（Greg蘇）現身繼續自我感覺良好，稱美食車齊集之後反應正面，會研究日後有其他活動都可以有同類安排。事實上，十幾架美食車對政府當局推廣美食車計劃似乎不存厚望，日前就自發組成「香港美食車聯盟」，講到明會度橋希望「自己嘅車自己救」，睇嚟佢哋對於Greg蘇領導嘅商經局踢一踢先識郁一郁，已經到咗忍無可忍嘅地步嘞！
