政情：沈豪傑想囝囝多做運動
第六屆全港運動會（港運會）早前閉幕，元朗區連續五屆成為港運會總冠軍，元朗區代表團團長、元朗區議會主席沈豪傑話，區內運動風氣盛行，同土地空間較市區多有關，同時又為三歲多嘅囝囝開出「期票」，希望佢一樣做多啲運動，笑言讀書方面反而可以求其喎。
正所謂「講多無謂，行動最實際」，沈豪傑話為咗善用暑假時間，已經打算幫囝囝報名參加同運動有關嘅興趣班，希望可以畀多啲機會佢跑吓。
元朗奪佳績 全靠體育節
代表團副團長梁明堅認為，元朗取得佳績嘅關鍵，係每兩年都有一個體育節，佢希望舉辦熱門體育活動去吸引更多人注意。