政情：擬拆灣仔運動場 楊德強急急降溫

當被追問面對區內咁大反對聲音，會否最後唔清拆灣仔運動場，楊德強更稱施政報告提及嘅只係一個建議，重申一定會顧及當區居民嘅體育需要。

盧偉國再撐啟德體育園

除此以外，楊德強望天打卦嘅仲有涉及三百一十九億元嘅啟德體育園項目，何時獲得立法會財務委員會開綠燈通過，同場現身嘅工程界立法會議員盧偉國再次力撐啟德體育園應該盡快興建，又認為當局提出嘅「提案誘因」，即向最多三個落選投標者提出最多六千萬元嘅補償，有關做法係可取，而業界多年前亦有類似倡議。