民主黨（白鴿黨）嘅黃碧雲（一舊雲）尋日喺立法會會議上，指自己係睇內地連續劇《人民的名義》了解內地官場文化，認為貪腐根源係因為權力冇制衡，專制嘅政權醞釀貪腐，所以政制需要開放，點知政制及內地事務局局長譚志源話比一舊雲睇得仲多集，但就希望議員唔好只用睇連續劇嘅方法去認識國家，可以多啲去考察，相信比睇連續劇有用喎，擺明係寸一舊雲係井低蛙喇！其實，一舊雲都去過內地考察東江水，唔親身去睇又點知呢，所以佢用睇內地劇嚟做例子，本身就自打嘴巴。
