政情：八網難逃：晒空中瑜伽照 傅曉琳呃Like兼呃人？
離島區議員傅曉琳（Sammi）早前上載一張玩緊空中瑜伽嘅照片，仲展示出雙臂一對老鼠仔，成功呃近一百個Like。其實Sammi喺上載照片後就無再做過空中瑜伽，而且當時更係試堂第一次玩，點知其他人見親佢都會問玩成點，睇嚟佢唔止呃Like，更呃到人喎。
Sammi話當時坐喺布帶上，令到全身力量集中喺手臂，所以造成有一對老鼠仔嘅視覺效果。佢更自言天生柔軟度唔差，所以未接觸空中瑜伽前仲以為好容易，點知誰知當日佢只能夠坐喺布上，倒吊等其他動作一律做唔到。聽嚟似係因為太難而放棄，自此就唔敢再玩囉！
話擺街站撞時間放棄報名
但佢就否認係放棄，又解釋導師當時只得星期三有空授課，撞正佢擺街站先冇報名。佢仲講明，等導師出咗新時間表後會繼續去學。期待佢遲下用真材實料去呃Like喇咁！