政情：八網難逃：蕭嘉怡包靚糉靠「神器」

中西區區議員蕭嘉怡自從被嘲為「地獄廚神」後一直奮力洗脫污名，早前已多次喺屋企落廚苦練，炮製過章魚燒同缽仔糕等小食。臨近端午節，佢近日又向高難度挑戰出手包糉，見佢所包嘅糉非常工整，唔通真係進步神速，可以宣布脫離地獄行列？其實佢係用上「包糉神器」幫手，先可以包出外表正常嘅糉，咁都可算係出貓。唔知佢敢唔敢唔用神器去包糉呢？不過好大可能廚藝打回原形，包出形狀奇特嘅糉咁趕客都未定喎。