中環出更：鼎媽媽選過首屆香港小姐
立法會議員周浩鼎（Holden）最近曝光率大增，未知係咪因此變得特別惹火，畀人起底爆料，話鼎媽曾經參選過第一屆香港小姐，同前港姐孫泳恩、趙雅芝同屆，認真估你唔到喎！
香港小姐自一九七三年起由電視台舉辦，近日就有人透露，話鼎媽名字為李秀瑩，曾經參選過當屆港姐，為候選三十名佳麗之一、第二十七號佳麗，不過鼎媽媽最終就冇贏取任何名次。
有政界中人表示，對於鼎媽曾經參選港姐一事略有所聞，更有數名見過鼎媽嘅人士不約而同透露，鼎媽外表雍容華貴，似乎都幾符合香港小姐嘅形象o架！
而Holden過往對家庭生活都相對低調，對上一次鼎媽露面已經係二○一三年Holden結婚嘅時候，兩母子嘅笑容一致。
卓妮