探射燈：小孩無辜陪賭 損成長價值觀
「賭博機」泛濫，除了家庭娛樂中心，不少遊戲機中心亦是「賭風氾濫」，本報早前踢爆有只准十六歲以下小童進入的「兒童場」，卻是「冇掩雞籠」，違例讓身穿校服的學生及成年人遊玩。而記者在粉嶺及觀塘有關樂園亦發現，不少家長會帶同子女前往，玩至「興起」，甚至連孫兒及子女亦放任不顧。耳濡目染下，容易誘使這些伴賭小孩成為賭徒。
心理學家：屬不良示範
「帶埋細路去玩呢啲遊戲，可能令佢哋有習慣性，以為賭博冇問題，大個成為問題賭徒都唔定；輕易贏得獎品，亦會令佢哋以為唔需要努力或者苦幹，只係憑眼光、僥倖都得，長大後容易以賭博去獲取滿足感。」臨床心理學家鄒凱詩又稱，玩家將積分換成現金屬不良示範，「呢個行為係賭博唔係遊戲，細路仔從中獲利，令佢哋變得金錢掛帥。」她建議成人應減少帶小孩到賭風盛行的遊戲機場所為妙。