政情：公民講場：回歸20年雙鷹襲警 英美陰魂未散？

怪事年年有，今年特別多。尋日香港發生咗一宗奇聞，一名交通警員喺青衣長青隧道對開山坡站崗，為巴基斯坦總理到訪做準備期間，突然被兩隻鷹類巨鳥從天而降，抓傷頭部。「兇徒」事後一飛沖天、逃之夭夭。交通警頭頂則留下兩條血痕，須送院治療。

「鷹」與英國嗰個「英」字同音，美國國徽上面亦有一隻俗稱「白頭鷹」嘅白頭海鵰。事件不禁令人聯想，香港回歸祖國已近廿年，但「英（鷹）」魂至今未散，英美等外部勢力仍不時喺香港張牙舞爪，聯同壹傳媒黎智英及一眾反對派人士不斷反中亂港、擾亂治安。今次呢位交通警只係受咗皮外傷，但外部勢力喺過去廿年來對香港造成嘅傷害卻深可見骨！

第一手消息請下載on.cc東網iPhone/iPad/Android/Windows Phone Apps