政情：公民講場：政府立會一事無成 港人邊度有前景？

今年二月卸任最低工資委員會主席一職嘅資深大律師翟紹唐，尋日以「勞資雙贏需先有妥協準備」為題寫咗一封家書，雖然題目標明係勞資雙方，但係佢在信中多次提醒要去妥協嘅，反而係政府同立法會。近年社會嚴重撕裂，現屆政府嘅執政態度責無旁貸，另一邊廂，建制、民主兩派不論在政治抑或民生議題互掐不放、拉布成風，連帶令社會充斥對立及衝突，一事無成，移民人數屢創新高。難怪潛水咗一排嘅翟紹唐都睇唔過眼，要浮出水面提點吓啦。