政情：公民講場：此時「始」建龕場議員狠批拖七年

食物及衞生局擬於大埔船灣前堆填區西南角、毗鄰大埔工業邨鳳凰衛視廠房嘅一幅土地興建公眾骨灰安置所，惹起好大爭議。多名議員尋日狠批當局拖咗六、七年先急急上大埔區議會討論，又指土地珍貴，只建萬五個骨灰龕位太少，浪費地皮，副局長陳肇始只有硬食。咁班議員冇鬧錯喎，事關政府話區區有骨灰龕，但不外乎都係話有居民反對同交通等理由一味拖，再係咁拖落去，問題只會惡化。