中環出更：陳美齡做局長？吳得掂笑住閃
近年不時出書分享對教育心得以及理念嘅港日女歌手陳美齡（Agnes），近日被流傳將會加入新政府出任教育局局長，講到似層層，而且當事人又沒有明確否認，及後仲話樂意出任局長一職。當煲水煲到水滾之際，又傳出政圈中人話Agnes入熱廚房只是美麗的誤會，她並非新政府的心儀人選喎。不過，無論真定假，就嚟無得撈嘅現任教育局局長吳克儉（吳得掂），又點睇Agnes呢個咁特別嘅人選呢？
拒答係咪比自己更適合
多年來被批評「只懂去旅行」嘅吳得掂尋日出席活動時，未有回應Agnes接掌教育局嘅傳言，惟被問到Agnes做局長會否比佢更適合時，他僅面露微笑快步離開。至於負責組班嘅候任特首林鄭月娥，亦喺流出傳聞後首度開腔，指在《基本法》規定下，問責班子須由特首提名，由中央政府任命，在此之前佢唔會透露任何情況，亦唔會就坊間揣測嘅評論回應，叫市民包容喎。
卓妮