向玻璃問路 躁男大鬧港鐵站
【本報訊】路在口邊，隔着玻璃又可否問到答案？近日網上流傳一段影片，一名孭背囊的男子在旺角港鐵站內，不斷拍打客務中心的玻璃，又爬高內望，隔着玻璃大聲向中心內職員查詢如何前往先達廣場出口，他不滿職員未有回應，不斷拍打玻璃和大叫，驚動其他港鐵職員介入調停。
大叫「先達邊個出口？」
片段一開始，就見該男子站在客務中心的旁邊，一臉怒氣不斷拍打玻璃，並向客務中心內的職員大叫：「先達邊個出口呀？」、「吓，你係咪香港人嚟？」
未幾一名港鐵女職員上前向他說：「先生，先達係D2出口。」他質問女職員：「點解佢唔講畀我聽呀？」女職員解釋同事「做緊嘢」，男子高呼「我想投訴佢呀」，並罵客務中心職員：「你唔講嘢？」、「黐線，佢唔講嘢嘅？佢啞嘅係咪呀，我想投訴佢，叫咩名呀。」
男子其後走到客務中心的窗口與該職員對質：「你D2唔識講呀？」此時，另一名男職員亦上前介入，男子繼續大叫「我問佢嘢佢唔講嘢喎」，職員向他解釋查詢要到窗口有喇叭位置職員才會聽到，男子仍非常不滿，再拍打客務中心枱面幾下之後離開。