政情：五口家住三百呎 郭偉強「上車」有時間表

政府近期再出招打擊「一約多伙」措施，郭偉強就呻話樓價目前仍然高企，有關招數無助佢置業。話雖如此，其實佢已有置業嘅時間表及路線圖。

睇中港島東區 稱空氣流通

佢睇中港島東區，除咗交通方便又近工作地點之外，佢覺得東區嘅空氣較為流通清新，啱晒有鼻敏感嘅佢，睇嚟郭偉強為「上車」都做足功課。除咗東區，南區置業亦係一個好選擇，因為佢自幼喺南區長大，不過佢太太為北區人，所以覺得南區好偏遠喎！