樓市熾熱，政府上周三出招打擊「一約多伙」，市民莫不寄望可以為升勢似火箭嘅樓價降吓溫。不過運輸及房屋局局長張炳良尋日承認，新招唔會直接令樓價下跌，亦無法阻止投資者透過「借人頭」方式應變，想樓價跌除咗增加供應之外別無他法。咁啱做過發展局局長嘅財政司司長陳茂波喺另一場合都係咁話，仲話唔排除運用《土地收回條例》收番棕地起屋喎！講到咁有魄力，之但係呢一屆政府就嚟熄燈走人，叫市民點相信呢？
