中環出更：李漢奸做佔中辯護律師 被質疑利益衝突
警方日前就違法佔領行動正式落案起訴九名佔領行動搞手，本身為資深大律師嘅民主黨創黨主席李柱銘（李漢奸）為部分被告擔任辯護律師。中小企律師行協會創會會長陳曼琪就話，李漢奸曾經參與佔領行動，質疑佢做辯護律師有利益衝突之嫌喎！
曾參與佔領行動 冇避嫌
陳曼琪回應傳媒訪問關於李漢奸曾參與佔領行動，依家又做佔領行動搞手嘅代表律師，係咪有利益衝突時，認為不論係大律師或律師，當案件有可能潛在利益衝突時都要避嫌。尤其係律師涉及事件當中時，有可能會成為該事件嘅證人，更加應該迴避。
陳曼琪又解釋，一個人無論喺一宗案件中擔任何種角色，例如主控、辯護律師或證人，假若牽涉到有關案件都一定要避嫌。如果辯護律師涉案，就會令人質疑律師究竟係爭取客戶或自己嘅利益，同時亦難以令人信服佢可以做到獨立、公正。
話時話，李漢奸自己參與佔領行動，依家為佔領搞手辯護，會唔會因為同一陣線而特別落力啲呢？
卓妮