政制及內地事務局局長譚志源早前已表明唔會留任下屆政府，尋日佢再喺電台解釋，指多年來推動政改令佢身心俱疲。佢又話自己喺政府做咗成三十年，係時候趁仲年輕去外面吸取吓經驗，五年後再睇吓有冇機會重返政府喎！譚志源曾經講過，同候任特首林鄭月娥嘅步伐唔多一致，佢預告可能會喺五年後重返政府，唔通佢睇死林鄭最多只做到一任特首，五年後就一定會落台？
