民航處拒交代受影響航班數目

【本報訊】新空管系統發生啟用五個月以來最嚴重死機，專家質疑，事件反映系統處理能力不足，類似事件接二連三發生，本身是民航機師的立法會議員譚文豪批評，處方解釋指用戶個人設定總數超出系統上限，令航班數據處理器未能正常運作，「說法令人難以想像，講到好似網絡攻擊咁。」處方的解釋反映不到今次死機問題嚴重性。

機場發展關注網絡發言人巫堃泰稱：「事件反映系統處理能力問題，類似事件接二連三發生，只係多啲人登入系統就跪低。成因可能是硬件同時間承受唔到處理咁多指令，或係同軟件有關，當初寫得差，當其中一個使用者執行複雜指令，軟件便耗盡資源。兩條跑道係咁，將來三條跑道點算？」

對於民航處解釋，空管人員一直可透過衞星導航監察技術掌握全部航班資料，巫踢爆：「衞星導航監察技術不是每架飛機都有開，而一些舊機甚至冇呢個設施，其實係有漏網之魚！」

譚批評民航處過往不斷強調新系統可靠，不用後備系統，但今次事故嚴重到需啟用後備系統，反映該處判斷有問題。他又質疑該處並無交代受影響航班數目，以及系統死機時間，「我最關心係出事時間持續咗幾耐？系統本身有緊急模式，用咗幾耐先要轉去後備系統？主系統要幾耐先恢復正常？呢啲都反映問題嚴重性。」