立法會財務委員會尋日審議向迪士尼樂園注資五十多億港元作擴建用途，四個鐘頭會議未有結果，而建制派都對迪士尼有意見。勞工界陸頌雄就認為，迪士尼應該永久豁免導遊年費，因為導遊帶遊客去消費，入場後唔會佔用資源，仲話園方唔應承就會呼籲導遊唔帶團去添！其實導遊已經逐年獲豁免入場費，今次陸頌雄無端端要求永久豁免，仲揚言呼籲導遊罷去，之不過香港嘅旅遊景點已經唔多，搞罷去迪士尼都唔知係幫導遊，定係靠害囉！
