中環出更：黨慶失蹤 李漢奸密會漢奸黎
尋晚係民主黨（白鴿黨）周年黨慶晚會，但係身為白鴿黨創黨主席、有「李漢奸」之稱嘅李柱銘竟然唔去晚會，反而走咗去壹傳媒黎智英（漢奸黎）屋企食晚飯。漢奸黎同李漢奸唔夠一個星期就急急見兩次面，唔知又想諗咩計搞事呢？
一周兩見面 又謀搞事？
尋晚六點半左右，漢奸黎司機先接載一名身穿神父裝束嘅外籍男子抵達黎宅，該男子坐喺後排座位，面無笑容，又低頭掩眼，無乜精神咁。大約七點，李漢奸就自己揸車載住太太抵達黎宅。三人喺黎宅逗留大約兩小時至夜晚九點左右離開，漢奸黎就親自出門送客。
漢奸黎同李漢奸上星期六先至見完面，當時仲有另外兩名「搞事四人幫」，即「民主阿婆」前政務司司長陳方安生同天主教香港教區前主教陳日君。仲未夠一個星期，漢奸黎同李漢奸又再密會，兩人見得咁頻密，唔通同下星期日嘅特首選舉有關係？
卓妮