中環出更：孖松尾淳一郎唱K 鄭松泰（目及）女
日本歌手向來備受港人追捧，以唱國語歌奪獎一鳴驚人嘅松尾淳一郎，原來係立法會議員鄭松泰早年喺北京大學就讀時嘅舊同學，佢更自爆當年曾經同松尾淳一郎去唱卡拉OK，但當時佢只顧望同行嘅日本女同學，未有察覺到松尾淳一郎嘅驚人歌喉。
北大同學 組足球隊參賽
鄭松泰尋日喺facebook上載咗一幅同松尾淳一郎嘅合照，係喺立法會十樓佢嘅辦公室拍攝嘅，又指「10年無見」，要自拍留念。鄭松泰接受查詢時話松尾淳一郎係佢喺北京大學讀書時嘅同窗，並指對方嘅普通話非常流利，兩人既住喺同一幢宿舍，亦經常一齊踢波，甚至組成足球隊參加比賽。佢又指松尾淳一郎當時已立志要成為歌手，當時佢哋仲同一班留學生曾經喺北京唱K添！但佢承認當時未有留意松尾淳一郎嘅歌藝，又話：「掛住照顧啲日本女同學嘛！」
松尾淳一郎喺北大留咗一年學就離開，鄭松泰之後亦冇同佢聯絡，只係喺報章上得悉佢成功圓夢進身演藝界，而今次係佢嚟香港喺會展參與活動，所以邀請佢參觀立法會，兩人都驚嘆十年後，對方分別成為演員同議員。
卓妮