今野結衣靚股稱神

近年日本寫真界湧現好多巨股女優,但係屁股同胸部一樣,唔係大就一定吸引,表面光滑、彈力十足又圓潤飽滿至算係上品。其他女優我不作評論,最近就有一位屁股靚到可以稱王稱霸嘅女優,佢就係今野結衣喇!

圓潤堅挺

有云睹物思人,小弟每次見到前女友送嘅水杯,都會諗起昔日同對方溫溫馨馨、依依泣泣嘅愉快時光。除此之外,每次見到今野呢個日本姓氏,不期然會諗起巨乳尤物今野杏南,不過同姓唔同人,身材亦唔同,然而今日為大家介紹嘅今野結衣就同杏南一樣咁有吸引力!

今野結衣面孔清新又清秀,兩片朱唇厚度十足且飽滿豐隆,雙眼具神采而媚態顯露,充滿柔情似水及親切和善嘅姊系氣息。而身材方面,結衣同杏南一樣皮白肉嫩,上圍雖然冇杏南對G奶咁激凸咁搶鏡,但係結衣有一個地方絕對唔會輸畀杏南,就係屁股喇!外表圓潤堅挺,表面雪白無瑕,實在係寫真界難得一見嘅優質靚股,比起「美尻女王」秋山莉奈恐怕亦過之而無不及。

引人敬拜

結衣喺2014年拍寫真,由於佢嘅優質股實在出類拔萃,故被日本寫真業界稱之為「女神之尻」,能夠憑股稱神,真係不得了!不過結衣謙虛話大家誇獎咗佢個股,但係亦好高興大家咁樣叫佢,更加會好好珍惜呢個稱號,並會努力保養美股,例如學習舞蹈,保持美股堅挺具線條美之外,往後有機會登台時可以施展舞藝。而結衣亦好識得運用呢個神級靚股嚟吸引粉絲注目,成日都會將自拍玉臀照放上社交網站,仲好風趣咁叫大家快啲嚟拜神添!現時結衣嘅人氣持續上升,主要工作係舉行攝影會,仲會演出各類型公關騷,例如出席彈珠機店活動,不過結衣着得好密實,如果換套比堅尼上陣,一定會吸引到更多人注意。

社交網站

簡介:今野結衣現正值全力爭取人氣嘅階段,喺Twitter經常上載自拍性感照嚟引人注意,大家Click上去睇一定大飽眼福呀!

網址:https://twitter.com/yuikonno

今野結衣Profile

年齡:26歲

身高:5呎3吋

三圍:32B-23-34

撰文:賢