有「吳得掂」之稱嘅教育局局長吳克儉尋日終於講出口，話任期屆滿後會退任。其實佢上任以嚟做乜衰乜，好多人叫佢落台，本來就應該早走早着，竟然仲拖到任滿先走。退休後做乜？佢話要休息吓，又話自己依家一頭白髮，所以要做運動喎，仲話會繼續每月睇三十本書。唔通佢要睇多嘅書研究吓點將啲白髮變黑，再轉行教染髮？其實有白髮嘅話，買染髮劑咪得囉！
