政情：侯志強行峨眉山整親腰

侯志強尋日搞河上鄉鄉公所敬老聯歡晚會，現場見佢行路行得比平日慢，佢就主動提到，自己月初同好朋友一齊行峨眉山，行咗三個幾鐘後，點知整親條腰，到依家都仲痛緊，但係就冇去睇醫生，話抖吓就冇事啦喎。

聯歡晚會筵開六十席，侯志強全程都走來走去打點一切，完全冇得抖。問佢不如交畀其他人分擔吓啦，佢就話得自己記得晒啲鄉親同嘉賓咋。整親都做得咁辛苦，但係見佢攬住孫仔同姪孫就即刻笑晒，佢話就算做得幾辛苦，返到屋企見到個孫都甜晒喇！